تبين علومي الغبرا تهمك اخر اخباري ؟
على خبرك ابد يابنت اعد نجومي وارقبها
اساير بوقتي الظالم وسري بليلي الساري
ولا لي بالسهر مصلوح سوى صوره اقلبها
ابروز صورتك واخشى واعلقها على جداري
يهد الزين تتغاري ويفظحني يسربها
ويشرب دمي الصوره بها موتي ترى داري
انا ماهمني موتي اخاف ذنبي يعذبها
وينشدها ظميرن حي لآجال الهوى طاري
عن ارواحن غدت بالحب وزيناه سبايبها
وقالت يابعد حيي صدف بحري ومحاري
طعمها الموت مالذه طعون الحب اجربها
وش افضح لك من همومي وش افشي لك عن اسراري
طعنت الشوق في غيرك ولاادري وش عواقبها
ولكن صورتي تكفى زهر شوقي مع اشجاري
ابيها تظلل عيونك وعيني لا تحاسبها
وقلت الموت من عينك بها سحر الهوى جاري
ودام الموت هو فنك ابيك الروح تطربها
وابد لا تهمك طعوني لخناجرها انا شاري
حلات الموت بعيونك تكفني حواجبها
موضوع: عـــلومي الغـــبرا 
الثلاثاء فبراير 03, 2009 1:57 pm
