ارقى طبوعي

لا بد في الكامل يجي فيه نقصان
ياليتها بالجوع باسد جوعي

لكنها كضه وفره وميدان
وانا ليا قدمت يصعب رجوعي

والكلمه الي من قناعات وايمان
يصبح بها لساني وتصغي سموعي

قولي لي من الي سوت ع القلب بيبان
تفتح من السبت الين الربوعي

الي حزنها غير عن كل الاحزان
خلى ابتساماتي مثل حبي كوعي

لو انها تسهر ليا بعد الاذان
بتشوفني لي رحت باطفي شموعي

حزين متشائم ونادم وحيران
بس ماظلم وهذي ارقى طبوعي

ابوي سماني على ابوي حمدان
خلاني اخذ عزتي من خظوعي

لمني ابدال الاساءه بالاحسان
من قوه وقفاتي اثبت وقوعي

يمكن عيوني قاسيه بعض الاحيان
لكني اعرف مصدقاي وربوعي

والله لو بيدي افرح انسان
افرحه لو ثمنها دموعي